26 ғинуар көнө “Мәсем” үҫмерҙәр  клубы хеҙмәткәрҙәре: клуб директоры Ишниязова Нурсилә Нур ҡыҙы, өҫтәмә белем биреү педагогы Мырҙағолова Флүрә Батыр ҡыҙы, социаль педагог Вәлиева Әлиә Ғәлимйән ҡыҙы, ойоштороусы педагог Фәтҡуллина Әлиә Ғәлимйән ҡыҙы Иҫке Монасип урта мәктәбендә 8-11класс уҡыусылары менән фәһемле осрашыу үткәрҙеләр.

Улар уҡыусыларға берҙәм дәүләт имтихандары ваҡытында үҙеңде нисек тыныс һәм ышаныслы тоторға өйрәттеләр, тәмәке тартыуҙың зыяны, эскелектең зарары тураһында һөйләнеләр.

Осрашыуҙың аҙағында уйындар ойошторҙолар, уҡыусылар иҫтәлеккә бүләктәр алып ҡыуандылар.Был осрашыуҙан уҡыусылар бик ҡәнәғәт ҡалдылар һәм, үҙҙәре өсөн бик күп мәғлүмәт алып, яҡшы тәьҫораттар менән таралыштылар.